Ифторлик дастурхонига печенедан мазали торт тайёрлаймиз

Печенье ва қуюлтирилган сутли крем қўшиб тайёрланадиган юмшоқ, нозик таъмга эга ширинлик сизга ёқувчи десертлар қаторига кириши мумкин. Тортга ўзингизга ёққан меваларни ҳам қўшсангиз бўлади.

Керакли масаллиқлар:

• шакар — 140 г;
• маккажўхори крахмали — 40 г;
• тухум сариғи — 3 дона;
• сут — 500 мл;
• сариёғ — 2 ош қошиқ;
• ванилин — 2 чой қошиқ;
• печенье — 175 г;
• 33 фоизли қаймоқ — 200 мл;
• шакар кукуни — 2 ош қошиқ.

Тайёрланиши:

1. Шакар, маккажўхори крахмали ва тухум сариғини кўпиртиргич билан яхшилаб аралаштиринг. Аралаштириш пайтида, аста-секинлик билан сут қуйинг;
2. Аралашмани идишга солиб, газга қўйинг, аралаштириб, қайнатиб олинг ва масса қалинлашгунча 5-6 дақиқа давомида пиширинг;
3. Кремни идишга солинг, сариёғ ва ванилин билан аралаштиринг, салқин жойга идишнинг устини озиқ-овқат плёнкси билан ёпинг ва 3-4 соат давомида музлаткичга қўйинг;
4. Печенеларни майда бўлакларга бўлинг. Совутилган кремга шакар қўшиб миксер билан яхшилаб аралаштиринг;
5. Кремнинг ярмини совутилган қаймоққа аралаштиринг. Печенье қўшиб, аста-секинлик билан аралаштириб олинг;
6. Крем билан печенеларни қолипга солинг. Тортга кремнинг иккинчи ярмини қўшинг ва 3-4 соат давомида музлатгичга қўйинг.

Ёқимли иштаҳа!