Алексей Навалнийнинг маслакдошлари Сочидаги Красная Поляна шаҳарчасида жойлашган Россия президентининг махфий қароргоҳи атрофида “Панцир-С1” зенит-ракета ва қурол тизими ўрнатилганини аниқлади.
Худди шундай ҳаво ҳужумидан мудофаа мосламалари январь ойида Владимир Путиннинг Ново-Огарёво ва Валдайдаги расмий қароргоҳлари яқинида пайдо бўлганди.
Путиннинг Красная Полянадаги яширин қароргоҳи ҳақида 2014 йилда журналист ва блогер Андрей Малгин гапирган эди. Шунингдек, блогер у ердан бир неча километр узоқликда жойлашган ва Дмитрий Медведевга тегишли экани тахмин қилинган турар жой суратини кўрсатган эди.
Бино эгаси “Газпром” ҳиобланади. Расмий равишда у “Ачипсе” расмий меҳмонлар уйи деб аталади. 20 гектар майдонда бир нечта бинолар, жумладан, умумий майдони 3 800 квадрат метр бўлган уй бор, унинг ер остида иккита, ер устида иккита қавати, шунингдек, вертолёт майдончаси ва ўз лифти мавжуд.
Расмий равишда Россия президентининг Кремлни ҳисобга олмаганда учта резиденсияси бор, булар Москва вилоятидаги Ново-Огарёво, Сочидаги Бочаров Ручей, Новгород вилоятидаги Валдай. Суриштирувчи журналистларнинг фикрича, Путин ўз атрофидаги тадбиркорлар ва уларга алоқадор компанияларга тегишли қароргоҳлардан ҳам фойдаланиши мумкин.
Изоҳ (0)