АҚШ Украинага 2,6 миллиард долларлик янги ҳарбий ёрдам пакетини тақдим этади, деб хабар бермоқда Reuters агентлиги исмини ошкор этмаган америкалик расмийларга таяниб. Ёрдам ҳақида 3 апрель, душанба куни расман эълон қилинади.
2,1 миллиард доллар Украина хавфсизлигига кўмаклашиш ташаббуси (УSAI) доирасида ажратилмоқда, бу сумма қурол ва жиҳозларни мавжуд захиралардан эмас, балки АҚШ мудофаа фирмаларидан сотиб олишга имкон беради. Қолган 500 миллион долларлик ўқ-дорилар АҚШнинг жорий захираларидан Киевга юборилади.
Бошқа нарсалар қаторида, Украина танкка қарши снарядлар, аниқ бошқариладиган авиация ўқ-дорилари, понтон ускуналари, оғир техникага хизмат кўрсатиш учун таъмирлаш ва тиклаш воситалари, NASAMS Норвегия ҳаво мудофааси тизимлари учун снарядларни олади.
2021 йил январь ойидан бери Вашингтон Украина “хавфсизлигини таъминлаш”ни қўллаб-қувватлаш учун 32,8 миллиард доллардан кўпроқ сармоя киритди (уларнинг 32,2 миллиард доллари уруш бошланганидан кейин ажратилди).
Изоҳ (0)