AQSH Ukrainaga 2,6 milliard dollarlik yangi harbiy yordam paketini taqdim etadi, deb xabar bermoqda Reuters agentligi ismini oshkor etmagan amerikalik rasmiylarga tayanib. Yordam haqida 3-aprel, dushanba kuni rasman e’lon qilinadi.
2,1 milliard dollar Ukraina xavfsizligiga ko‘maklashish tashabbusi (USAI) doirasida ajratilmoqda, bu summa qurol va jihozlarni mavjud zaxiralardan emas, balki AQSH mudofaa firmalaridan sotib olishga imkon beradi. Qolgan 500 million dollarlik o‘q-dorilar AQSHning joriy zaxiralaridan Kiyevga yuboriladi.
Boshqa narsalar qatorida, Ukraina tankka qarshi snaryadlar, aniq boshqariladigan aviatsiya o‘q-dorilari, ponton uskunalari, og‘ir texnikaga xizmat ko‘rsatish uchun ta’mirlash va tiklash vositalari, NASAMS Norvegiya havo mudofaasi tizimlari uchun snaryadlarni oladi.
2021-yil yanvar oyidan beri Vashington Ukraina “xavfsizligini ta’minlash”ni qo‘llab-quvvatlash uchun 32,8 milliard dollardan ko‘proq sarmoya kiritdi (ularning 32,2 milliard dollari urush boshlanganidan keyin ajratildi).
Izoh (0)