Германия Украинага ҳарбий ёрдамни 3 миллиарддан 15 миллиард еврогача оширмоқчи

Германия яқин йилларда Украинага ҳарбий ёрдамни оширишни режалаштирмоқда. Der Spiegel нашри маълумотларига кўра, Германия Молия вазирлиги давлат котиби ўринбосари Флориан Toнкар ўз мактубида Бундестагнинг бюджет қўмитасидан ушбу мақсадлар учун кўпроқ маблағ ажратишни сўраган. Ёрдамнинг умумий миқдори 15 миллиард евродан ошиши мумкин.

“Украина армиясининг катта моддий йўқотишлари янги материаллар етказиб беришни талаб этмоқда”, — дейилади Тонкарнинг мактубида. Der Spiegel нашрининг ёзишича, Бундестагнинг бюджет қўмитаси Украинага ҳарбий ёрдамни кенгайтиришдан бош тортмайди.

Айни пайтда Германия Украинага қурол етказиб бериш ва Бундесвер омборларидан Киевга ўтказилган қуроллар ўрнини тўлдириш учун 2,2 миллиард евро ажратган. Бу йил ушбу миқдор 5,4 миллиард еврога оширилиши мумкин. Яқин йилларда Украина олдидаги мажбуриятларни бажариш учун яна 8,8 миллиард евро ажратиш режалаштирилган, Мудофаа вазирлиги шунча суммага шартномалар тузиши мумкин. Ҳозирда бу мақсадлар учун 1 миллиард евро ажратилган.

Германия 27 март куни Украинага 18 та Леопард 2А6 танки етказилганини эълон қилди. Der Spiegel нашрининг ёзишича, улар билан бирга мамлакатга 40 га яқин Мардер пиёда аскарлар жанговар машиналари келган.