Ўзбекистонда ярим йил ичида 50 та кўп қаватли уйлар (тўққиз қаватли ва ундан ортиқ) лойиҳаларининг фақат учтаси маъқулланган. Қолганлари сейсмик талабларга жавоб бермаган ва қайта ишлаш учун юборилган. Бу ҳақда “Янги Ўзбекистон” газетасида эълон қилинган мақолада сўз боради.
Механика ва иншоотларнинг сейсмик мустаҳкамлиги институти директори Карим Султоновнинг сўзларига кўра, институт олдига қўшимча вазифа қўйилган: тўққиз қават ва ундан юқори баландликда қурилиши режалаштирилган тўртинчи тоифадаги биноларнинг барқарорлик даражасини қайта текшириш.
“Ўтган йил сентябрдан бошлаб тадқиқотлар амалга оширилмоқда. Шундай экан, қарийб 50 та лойиҳадан учтаси тасдиқланди, қолганлари қайта ишлаш учун қайтарилди. Шу билан бирга, институт ўз олдига Ўзбекистонда баланд биноларни қуришни тақиқлаш мақсадини қўймаган. Унинг вазифаси — аҳолининг максимал хавфсизлигини таъминлаш”, — дейди Каримов.
Қурилишда техник меъёрлаш ва стандартлаштириш илмий-тадқиқот институти директори ўринбосари Абулқосим Абдухолиқовнинг қўшимча қилишича, қурилиш 320 дан ортиқ норма ҳамда 2 мингдан зиёд стандартлар асосида амалга оширилмоқда. Улар мумкин бўлган сейсмик фаолликни ҳисобга олган ҳолда сифат талабларини таъминлайди.
Аввалроқ Ўзбекистонда сўнгги 10 йилда олти маротаба 6-8 балли зилзила содир бўлган ва улар натижасида етказилган иқтисодий зарар 84 миллиард сўмни ташкил этгани тўғрисида хабар берилганди.
Изоҳ (0)