Тошкентдаги пластмасса маҳсулотларини сақлаш омборида ёнғин чиқди (видео)

Тошкентнинг Шайхонтохур туманида пластмасса маҳсулотларини сақлаш омборида ёнғин юз берди.

ФВВ матбуот хизмати хабарига кўра, Тошкент ҳалқа айланма йўли кўчасида жойлашган ушбу омборда ёнғин содир бўлаётгани тўғрисида хабар шаҳар ФВБга 30 март куни соат 14:04 да келиб тушган. Шунга кўра 7 та ёнғин-қутқарув экипажи соат 14:06 да воқеа жойига етиб бориб, ёнғин соат 14:51 да қуршаб олинган ва соат 15:23 да бартараф этилган.

Ёнғин оқибатида тан жароҳати олган ва ҳалок бўлганлар тўғрисида маълумот келиб тушмаган.

Ҳозирда ёнғин сабаби ва моддий зарар миқдори аниқланмоқда.