2035 йилдан бошлаб Европа Иттифоқи карбонат ангидрид чиқиндилари манбаи бўлган ички ёнув двигателли янги автомобилларни сотишни тақиқлайди. Бу ҳақда Reuters хабар берди.
ЕИ мамлакатларининг энергетика вазирлари 28 март куни тегишли қонунни маъқуллади. Энди у кучга киради. Польша қонунга қарши овоз берди, Италия, Болгария ва Руминия бетараф қолди.
Қарорга кўра, 2035 йилдан бошлаб барча сотилган янги автомобиль CO2 чиқиндилари нолга тенг, 2030 йилдан эса 2021 йилга нисбатан 55 фоизга камайиши керак.
Йўналиш аниқ: 2035 йилда янги автомобиллар ва фургонлар нол нисбатда газ чиқариши керак, — деди Европа Иттифоқининг иқлим бўйича бош директори Франс Тиммерманс.
Шу билан бирга, Германия талабидан сўнг, Еврокомиссия фақат электр ёқилғисида ишлайдиган ички ёнув двигателли янги автомобиллар учун истиснолар қўядиган қўшимча қоидалар жорий этишга ваъда берди.
Келишув иқлимга бетараф ва арзон мобиллик нуқтаи назаридан аҳоли учун муҳим имкониятлар очади, — деди Германия транспорт вазири Фолкер Виссинг.
Маълумотларга кўра, бу Германия учун жуда муҳим масала, чунки мамлакат автомобиль саноати маҳаллий иқтисодиётнинг флагмани ҳисобланади.
Бироқ электромобилларга тўлиқ ўтиш ишлаб чиқариш қувватларининг сезиларли даражада қисқаришига олиб келиши мумкин, чунки электромобиллар ички ёнув двигателлари бўлган автомобилларга қараганда анча кам бутловчи ва эҳтиёт қисмларни талаб қилади.
Қайд этилишича, Porsche ва Ferrari электр ёнилғисини қўллаб-қувватловчилар қаторига киради, улар буни ўз автомобилларига оғир аккумуляторлар юкидан қочиш йўли сифатида кўради.
Volkswagen, Mercedes-Benz ва Ford каби бошқа автомобиль ишлаб чиқарувчилари декарбонизация учун аккумуляторли электр транспорт воситаларига пул тикмоқда.
Аввалроқ Калифорнияда 2035 йилдан бошлаб бензинда юрадиган янги автомобилларни сотиш тақиқланиши ҳақида хабар берилганди.
Изоҳ (0)