Ўзбекистон 2023 йилнинг февраль ойида хориждан қиймати 13,8 млн долларга тенг бўлган 397 дона электромобил импорт қилган. Бу ҳақда Давлат статистика агентлиги хабар бермоқда.
Маълумотларга кўра, январь—февраль ойларида 8 та мамлакатдан электромобил олиб келинган.
Электромобиллар импорти 2022 йилнинг мос даври билан солиштирилганда 562 тага ошган. Январь ойига нисбатан эса 2 донага камайган.
Бундан ташқари, Ўзбекистон жорий йилнинг январь ойида энг кўп электромобил импорт қилган давлатлар орасида Хитой етакчилик қилмоқда — 359 дона.
Иккинчи ўринда 27 дона электромобил билан Гонконг қайд этилган бўлса, Германия учинчи бўлган — 7 дона. БАА ва Жанубий Кореядан эса 2 дона электромобил олиб келинган.
Шунингдек, 2022 йилда хориждан қиймати 69,8 млн долларга тенг бўлган 2 180 дона электромобил импорт қилинган эди. Бу 2021 йилдаги кўрсаткичдан 1371 тага кўп.
Аввалроқ Ўзбекистонда электромобиллар сотуви рекорд даражага етгани ҳақида хабар берилганди.
Изоҳ (0)