Тошкент шаҳри Яккасарой туманида 4 февраль куни ЙПХ ходими талабига бўйсунмай, йўл қоидаларини бузиб ҳаракатланган ҳайдовчи жаримага тортилди.
Маълум бўлишича, 23 ёшли ҳайдовчи Абдулла Қаҳҳор ва Нукус кўчалари кесишган чорраҳасида, ўзининг бошқарувидаги Malibu’да йўл ҳаракати қоидалари талабларига амал қилмай ҳаракатланган.
ЖИБ Яккасарой туман судининг очиқ суд мажлисида Маъмурий жавобгарлик тўғрисидаги кодекснинг 183-моддаси (майда безорилик) ва 194-моддаси (ички ишлар органлари ходимининг қонуний талабларини бажармаслик) 1-қисмида назарда тутилган ҳуқуқбузарликларни содир этган Ш.А.га нисбатан юритилган маъмурий иш кўриб чиқилган.
Ш.А.га оид МЖтКнинг 183-моддасида назарда тутилган маъмурий ҳуқуқбузарлик тўғрисидаги иш МЖтКнинг 271-моддаси 1-бандига асосан тугатилган. Унга кўра, Ш.А. МЖтКнинг 194-моддаси 1-қисмида назарда тутилган маъмурий ҳуқуқбузарликни содир қилган деб топилиб, унга нисбатан БҲМнинг 10 баравари миқдорида маъмурий жарима жазоси тайинланган.
Изоҳ (0)