Шимолий Кореяда бир суткада 800 000 га яқин ёшлар “АҚШ империалистлари ва уларнинг сотқин қўғирчоқларини йўқ қилиш”, шунингдек, Корея яриморолини бирлаштириш учун ватанпарварлик қатъиятининг белгиси сифатида ихтиёрий равишда ҳарбий хизматга қўшилишга ариза берди. Бу ҳақда Шимолий КореянингRodong Синмун газетаси ёзмоқда.
“Жамланган маълумотларга кўра, 17 март куни бутун мамлакат бўйлаб атиги бир кун ичида ёшлар иттифоқи аъзоларидан 800 мингга яқини Корея Халқ армияси сафига қўшилиш ёки қайтарилишни қатъий сўраган”, — деб ёзади газета. Журналистларнинг қайд этишича, КХДРнинг барча ҳудудларида бундай кўнгиллилар сони ўсишда давом этмоқда. Республикада ҳарбий хизматга чақириш тизими мавжуд бўлиб, барча эркаклар камида 10 йил, аёллар камида уч йил ҳарбий хизматни ўташи шарт.
“АҚШ империалистлари ва уларнинг хоин қўғирчоқларининг ядро урушини қўзғатишга қаратилган фитналари шундай чегарага етдики, уларни энди эътиборсиз қолдириб бўлмайди: улар ватанимиз суверенитети ва унинг хавфсизлик манфаатларига қўпол равишда тажовуз қилмоқда, бу фитналар ўз агрессияси ва кўлами бўйича мисли кўрилмаган”, — деб таъкидлайди газета.
13 март куни Жанубий Корея ва АҚШ кенг кўламли ўқув машғулотларини бошлади. Шимолий Корея етакчиси Ким Чен Ин бу манёврларни КХДРга қарши ҳарбий провокация деб атади. Уларга жавобан КХДР бир неча бор баллистик ракеталар синовини ўтказди.
Шимолий Корея етакчиси Пхенян “ядровий қуролга ядровий қурол билан” жавоб беришини таъкидлади.
Изоҳ (0)