Суперқаҳрамон бўлиш учун ниҳоятда кучли бўлиш шарт эмас. Аксарият ҳолларда оддий ижтимоий қоидаларга риоя қилиш кифоя ва бошқалар сизни чиндан ҳам ажойиб инсон деб билишади.
Жамоат жойларида наушниксиз мусиқа тингламанг
Эҳтимол, бутун коинотда сизнинг мусиқий дидингизга шубҳа қиладиган одам йўқдир. Аммо кимдир севимли қўшиқларини омма олдида наушникларсиз ва ҳатто карнай орқали тингласа, 100 метр рaдиусда бўлган ҳар қандай кишининг ҳам ғашига тегиши мумкин.
Бировнинг телефонидаги суратларга қараманг
.jpg)
Агар кимдир сизга телефонидаги суратларни кўрсатса, галереяни ўзингиз варақлашингиз шарт эмас. Ҳар қандай ҳолатда ҳам бу мумкин эмас. Инсоният тақдири бунга боғлиқ бўлса ҳам. Бирор киши маълум бир расмни баҳам кўриши қолган шахсий фотосуратларини кўрсатишни ҳам хоҳлайди дегани эмас.
Йўлнинг ўртасида устун каби туриб қолманг
Биз бошқалар тинчлигимизни бузса ғазабланамиз, лекин буни ўзимиз қилсак, вазиятни бутунлай эътиборсиз қолдирамиз. Бундай ҳаракатлар рўйхатидаги энг кўп учрайдиган ҳолат — савдо марказидаги пиёдалар йўлакчаси ёки йўлак ўртасида тўсатдан тўхташ.
Тўсатдан телефонингизга хабар келади ёки боғланмаган поябзал боғичини кўриб қоласиз, кутилмаганда тўхтаб, муаммони шошилмасдан ҳал қилишга ҳаракат қиласиз. Ортингиздан келаётган одамлар ноқулай аҳволга тушиши мумкин. Бундан ташқари, сизни кўрмай, урилиб кетиши мумкин ва вазият янада ноқулай бўлади. Энг яхши ечим четга чиқиш ва бошқаларнинг йўлини тўсмасликдир.
Бирор жойга киришдан олдин чиқаётган одамларга йўл беринг
Бирор киши лифт, метро вагони ёки автобусга кирмоқчи бўлганида, чиқиб кетаётган одамларга етарли жой бериш ва чиқишларига йўл беришдир. Ушбу бир неча сония кутиш давомида лифт кетиб қолмайди ва автобусда бўш ўриндиқлар бўлиши мумкин. Бундан ташқари, шошиб чиқаётганингизда бошқаларга сумкангиз тегиб кетиши ҳам мумкин.
Фарзандларингизга жамоат жойларида эътиборли бўлинг
Кечки овқатни оилангиз билан жамоат жойида ўтказишни режалаштираётганда, кичкина болангизни ўзингиз билан олиб кета оласизми ёки йўқми, олдиндан ўйлаб кўрган маъқул. Гап кичкина болалар билан ташриф буюриш учун мўлжалланмаган муассасалар ҳақида кетяпти: театрлар, ресторанлар, кинотеатрлар.
Бутун оила билан дам олиш — катта истак. Бироқ чақалоқнинг умуман йиғламаслигига умид қилиш жуда оптимистлик ва масъулиятсизликдир. Натижада ота-она ҳам, бола ҳам, атрофдагилар ҳам асабийлашади.
Сотувчилар, официантлар ва бошқа ходимлар билан хушмуомала бўлинг
Хизмат кўрсатувчи ходимларга қилган ишлари учун миннатдорлик билдиришнинг энг осон усулларидан бири бу хушмуомалаликдир. Бу одамларнинг айби йўқ, чунки ташриф буюрувчининг иш жойида муаммолар бор.
Агар ўзингизни қўпол тутсангиз, бу мутахассислар мижознинг муаммосини тезда ҳал қилишга ҳаракат қилишлари даргумон. Ҳеч ким уларга ҳазил айтиб, кўнглини кўтаринг демайди, лекин сиз “раҳмат”, “илтимос” ва “хайрли кун” каби сўзларни унутмасангиз бас.
Агар одамлар узоқда бўлса, эшикни ушлаб турманг
Аравачали аёл ёки қарияга ёрдам бериб, уларга эшикни ушлаб туришнинг нимаси ёмон, дейишингиз мумкин. Аслида, бу ҳар доим ҳам керак эмас. Бирор киши узоқда бўлса, лекин эшик ўзи учун ушлаб турилганини кўрса, у автоматик равишда тезлаша бошлайди.
Сиз универсал қоидага амал қилишингиз мумкин: агар одам эшикнинг ёнида турса, уни ушлаб туриш мантиқан тўғри. Агар йўқ бўлса, йўлингизда давом этганингиз маъқул.
Изоҳ (0)