Навоий вилоятида наркотик моддалар савдоси билан шуғулланувчи жиноий гуруҳ қўлга олинди. Бу ҳақда “Менинг юртим” телеканали орқали эфирга узатилган лавҳада маълум қилинди.
Қайд этилишича, 1969 йилда Навбаҳор туманида туғилган фуқаро ноқонуний равишда гиёҳванд моддалар савдоси билан шуғулланиб келган. Унга 2010 йилда содир этган жинояти сабаб 1 йил муддатга ойлик иш ҳақининг 15 фоизини давлат даромади ҳисобига ушлаб қолган ҳолда ахлоқ тузатиш ишларига ҳукм қилинган. Бироқ 2012 йилда такроран жиноят содир этгани учун 9 йилга озодликдан маҳрум этилган. Берилган енгилликка қарамай, ушбу шахс 2017 йилда яна судланиб, 7,5 йилга озодликдан маҳрум этилган. Жазо муддатининг бир қисмини ўтаган маҳкумга яна енгиллик берилган, шу кунга қадар пробация ҳисобида бўлган эркак гиёҳванд моддалар савдосини давом эттирган.
Бу сафар у шериклари билан марихуана моддасини 1,5 миллион сўмдан 10 миллион сўмгача сотган. Мазкур жиноий тўданинг барча аъзолари қўлга олинган бўлиб, уларга нисбатан жиноят иши қўзғатилган бўлиб, айни пайтда дастлабки тергов ҳаракатлари олиб борилмоқда.
Изоҳ (0)