Сурхондарё вилояти Денов туманида 0,9 гектар ерни қарийб 350 млн сўмга сотмоқчи бўлган шахс ушланди. Бу ҳақда Бош прокуратура ахборот хизмати хабар берди.
Хабарга кўра, фуқаро Р.Х.нинг вилоят ИИБ ЖҚБ Ер ресурслари талон-торож қилинишига қарши курашиш бўлинмасига қилган мурожаатига асосан, вилоят прокуратураси билан ҳамкорликда тезкор тадбир ўтказилди.
Тадбир жараёнида фуқаро Э.И. “Минора” маҳалласи ҳудудидаги ўрмон хўжалигига қарашли 0,90 гектар бўш ер майдони ўзига тегишли эканини айтиб, 349 миллион сўмга сотишга келишгани маълум бўлган. У келгусида мансабдор танишлари орқали ер майдонига оид ҳужжатларни расмийлаштириб беришни ваъда қилиб, келишилган пулдан 140 миллион сўмини ариза муаллифидан олаётган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси билан жиноят иши қўзғатилиб, тергов ҳаракатлари олиб боришга киришилган.
Изоҳ (0)