Москвада православ черковларини қуриш дастурида Ўзбекистон билан ишчи кучини ёллаш бўйича узоқ муддатли ҳамкорлик кўриб чиқилмоқда. Бу ҳақда черковлар қуриш дастури куратори матбуот хизмати, Давлат думаси депутати Владимир Ресинга таяниб, “РИА Новости” хабар берди.
Шанба куни Ўзбекистоннинг Фавқулодда ва мухтор элчиси Ботиржон Асадов билан учрашдим ва ҳамкорлик ҳақида келишиб олдик. Черковлар қуриш учун ишчи кучи етишмайдиган ҳудудларга мамлакатдан кадрларни жалб қиламиз, — дейди депутат.
Унинг қўшимча қилишича, ушбу дастурга кўра, жангчи Фёдор Ушаков ибодатхонаси қурилмоқда. У Москвадаги Марказий Осиё метрополиси ҳовлисига айланади.
Марказий Осиё метрополиясини Тошкент ва Ўзбекистон митрополити Викентий (Морар Виктор Александрович) бошқаради, биз у билан бирга янги черков қурилишини назорат қиламиз, — дея хулоса қилган Ресин.
Аввалроқ Ўзбекистон фуқаролари Россияга келган барча меҳнат муҳожирлари орасида етакчи бўлгани ҳақида хабар берилганди.
Маълумотларга кўра, 1,45 млн ўзбекистонлик 2022 йилда Россияга борган. Бу кўрсаткич бир йилда ишлаш учун келган умумий муҳожирлар сонига нисбатан 41,9 фоизни ташкил қилади.
Изоҳ (0)