Донецк вилояти Бахмут шаҳрида украиналик ҳарбийлар Россиянинг “Су-24” самолётини уриб туширди. Маълумотни Украина президенти офисининг раҳбари Андрей Ермак тасдиқлади.
Россиянинг авиатехникаси уриб туширилгани ҳақидаги маълумотни Одесса вилояти ҳарбий маъмурияти спикери Сергей Братчук ҳам эълон қилган. Самолёт нишонга олингач, у Клешеевка қишлоғига қулаб тушган. Ҳозир у ерда Россия Қуролли кучларининг оддий ҳарбийлари, шунингдек, “Вагнер” хусусий ҳарбий компаниясининг ёлланма аскарлари жойлашган.
[telegram_yembed_post link="https://t.me/daryo_live/79482"]
Видео эълон қилинган кадрларда уриб туширилган самолётнинг қандай қулаётгани ва ёнгани акс этган. Самолётни бошқарган учувчи ўзини авиатехникадан ташлашга муваффақ бўлган. Видеода учувчи парашютининг оқ канопи акс этган. Бироқ кейинчалик парашют дарахт шохларига илиниб қолгани маълум бўлган.
Изоҳ (0)