Покистоннинг Панжоб вилоятидаги қишлоқлар ва кичик шаҳарларга бориб, аҳолини буйракларини сотишга кўндирган шифокорлар қўлга олинди. Бу ҳақда South China Morning Post хабар берди.
Маълум қилинишича, хорижлик бойлар трансплантация учун 50 минг долларгача пул тўлаган, бироқ донор атиги 3 минг доллар олган. Иқтисодий инқироз шароитида қашшоқлашган мамлакатда бу амалиёт авж олган. Ҳолат бўйича камида 10 киши, жумладан шифокорлар ва ҳамширалар соғлиқни сақлаш ҳамда полиция инспекторлари томонидан ҳибсга олинган. Хавфсизлик ходимлари Исломобод яқинидаги Равалпинди шаҳри клиникасига рейд уюштирган.
Полиция уч нафар Саудия ва Афғонистондан деб гумон қилинган донор ҳамда буйракни сотиб олмоқчи бўлган икки кишини ҳибсга олган. Бундан ташқари қўлга олинганлар Панжоб вилоятидаги қишлоқ ва кичик шаҳарчаларга бориб, одамларни буйракларини араб мамлакатлари ва айрим Европа давлатларидан келган бадавлат хорижликларга сотишга кўндирганлар бор.
2010 йилда Покистонда инсон органларининг ноқонуний савдосига қарши кураш тўғрисидаги қонун қабул қилинган. Унга кўра, норасмий шифохоналарда трансплантацияни амалга оширганларга 10 йилгача қамоқ ва жарима белгиланади. Қонун коррупция ва қашшоқликнинг кучайиши, жиноий гуруҳлар туфайли ноқонуний амалиётларни назорат қилишга ёрдам бермади.
Изоҳ (0)