Қирғизистонда Ўзбекистон билан ҳамкорликда қўшма автомобиль заводи ишга туширилади.
Sputnik'нинг маълум қилинишича, қурилиш ишлари апрелда бошланади, июлгача завод ишга тушади.
Иқтисодиёт ва савдо вазири ўринбосари Айнура Усенбековага кўра, 19 та моделни ишлаб чиқаришга рухсат берилган ва биринчи ишлаб чиқариладиган машина Cobalt бўлади.
“Биринчи босқичда 3 йил ичида 10 минг, иккинчи босқичда 20 минг, учинчи босқичда 30 минг дона автомобиль ишлаб чиқариш режалаштирилган”, — деди у.
Эслатиб ўтамиз, Шавкат Мирзиёев январь ойида Қирғизистонга амалга оширган давлат ташрифи якунида икки мамлакат етакчилари ҳамда ҳукумат вакиллари ўртасида қатор ҳужжатлар имзоланганди.
Улар орасида “Ўзбекистон Республикаси билан Қирғизистон Республикаси Вазирлар Маҳкамаси ўртасида Қирғизистон Республикасида автомобиль ва тижорат техникаси ишлаб чиқаришни йўлга қўйиш бўйича ҳамкорлик тўғрисида битим” ҳам мавжуд бўлган.
Изоҳ (0)