Ташқи ишлар вазири вазифасини бажарувчи Бахтиёр Саидов Покистоннинг Ўзбекистондаги фавқулодда ва мухтор элчиси этиб тайинланган Аҳмад Фаруқдан ишонч ёрлиқлари нусхаларини қабул қилди. Бу ҳақда ТИВ матбуот хизмати хабар берди.
Маълум қилинишича, суҳбат чоғида Ўзбекистон—Покистон ўртасидаги сиёсий мулоқот, савдо-иқтисодий ва транспорт-коммуникация алоқалари, шунингдек, минтақалараро ҳамда маданий-гуманитар алмашинувларни янада ривожлантириш бўйича таклифлар кўриб чиқилган. Икки томонлама ва кўп томонлама шаклларда бўлажак тадбирларнинг жадвали ҳамда ташкилий жиҳатлари муҳокама қилинган.
“Янги лавозимда уларга улкан муваффақиятлар тилаймиз. Сўнгги вақтларда икки томонлама муносабатларимиз мисли кўрилмаган суръатларда ривожланиб, Ўзбекистон ва Покистонни янада яқинлаштирмоқда”, — деб ёзади Саидов ўзининг Telegram’даги каналига.
Маълумот учун, бунга қадар Покистоннинг мамлакатдаги фавқулодда ва мухтор элчиси лавозимида Саййид Али Асад Ғилоний фаолият юритиб келган. 2019 йилда бўлса Ирфан Юсуф Шами Покистоннинг Ўзбекистондаги элчиси сифатида фаолиятини якунлаганди.
Изоҳ (0)