Москвада ҳаво ҳужумидан мудофаа тизимини ўрнатиш учун ўрмондаги дарахтлар кесилмоқда — ОАВ (фото)

Москванинг бир нечта туманларида ҳаво ҳужумидан мудофаа тизимларини ўрнатиш учун ўрмон ва парклардаги дарахтларни кесиш бошланди. Бу ҳақда The Insider хабар берди.

2023 йил бошлангач Россия Мудофаа вазирлиги эҳтиёжлари учун Лосиний оролида, Тимирязев қишлоқ хўжалиги академиясининг далаларида, Коломенское музей-қўриқхонасининг қўриқланадиган зонасида ўрмонлардаги дарахтларни кесиш бошланди. Россия Қуролли Кучларининг иккита объектига аллақачон С-400 зенит-ракета тизимлари жойлаштирилган.

“Бу Москвани ҳимоя қилиш учун”, — дейди пост-патрул хизмати аъзоси.

Москвада С-400 нинг жойлаштирилиши ҳақида расмий баёнотлар йўқ. Шу билан бирга, турар-жой бинолари ёнида ҳаво мудофаа тизимлари ўрнатилган. Қишлоқ хўжалиги академияси яқинидаги энг яқин уй Болшая Академическая кўчасида тахминан 200 метр узоқликда жойлашган.

Худди шу ҳаво мудофаа тизими “Лосиний Остров” қўриқхонасида жойлашган. Шу билан бирга, Россия телеграм каналлари қўриқхона ҳудудида мудофаа тизими жойлаштирилганини сохта деб атаб, бу хавфли эканини таъкидлайди. C-400 жанговар ҳолатда эмаслиги, шунинг учун “Лосиний Остров” вақтинчалик тўхташ жойи экани келтирилган. Бироқ, The инсидер ҳозирда комплекснинг ярми қўмондонлик ва бошқарув маркази билан бирга жанговар ҳолатда эканини айтган. Қўриқхонада дарахт кесиш тақиқланган, аммо раҳбарият фаолларга “Россиянинг миллий хавфсизлиги ва мудофаасини таъминлаш учун” шундай қилинганини таъкидлаган.

Бироқ, оммавий ахборот воситаларининг ёзишича, атроф-муҳитга энг катта зарар Москва жануби-шарқидаги Куряново микрораёнига етказилган. У ерда, махфийлик шароитида, Москва дарёсининг чап қирғоғидаги улкан ўрмондаги дарахтлар кесиб ташланган. Ҳудудга ҳаво ҳужумидан мудофаа тизими жойлаштирилади. Бунинг учун 2 км дан ортиқ майдонда 100 гектар ўрмон кесилган.

“55 гектар майдонни эгаллаган 10 та объект бўлади. Улардан камида биттасига ҳаво мудофааси жойлаштирилади”, — дейди “Автомобиль йўллари давлат бюджети муассасаси” ходими.

Шу билан бирга, ҳокимият дарахт кесилиши бўйича маҳаллий аҳоли сўровига жавоб беришдан бош тортган. Фақатгина “VKонтакте” ижтимоий тармоғида Давлат Думаси депутати Светлана Разворотнева Куряновода аслида реликт ўрмони йўқлигини ва буларнинг барчасини сохта эканини ёзган. Журналистлар Измаиловский ўрмон боғида ҳам дарахтлар кесилишини аниқлаган. Коломенское яқинида UNESCO рўйхатига киритилган ўрмон кесилган, бу объектнинг қийматини хавф остига қўяди.