Кремл Россия бўйлаб бомба бошпаналарни текшириш ва таъмирлашни буюрди. Бу ҳақда UNIAN хабар берди.
Маълум қилинишича, маҳаллий ҳокимият идоралари ўнлаб йиллар давомида бункерлар ва мустаҳкам ертўлаларни яроқли ҳолга келтириш учун юзлаб миллион рубл сарфлай бошлади. Кремл собиқ амалдорлари The Moscow Times нашрига бу бўйича маълумот берган. Краснодар ўлкаси ҳокимияти бомба бошпаналарини таъмирлаш учун 6 миллион рублдан кўпроқ, Нижний Новгород 50 миллион рубл, Рязань эса 1 миллион рубл сарфлаши айтилмоқда.
Ўз навбатида, Қозон ҳукумати шаҳардаги бомба бошпаналарининг тахминан 30 фоизи одамларни жойлаштириш учун яроқсизлигидан шикоят қилган. Энди улар шаҳар метросидан бошпана сифатида фойдаланиш имкониятини синовдан ўтказмоқда.
“Совет Иттифоқи парчаланганидан кейин улар ҳеч кимга керак эмас эди. Аммо ҳозир фронтдаги вазият туфайли Кремл ҳамма нарсани тартибга солишни буюрди”, — деди Россия ғарбий вилоятларидан биридаги расмий.
Россия давлат харидлари порталида мамлакат бўйлаб минтақаларда бомба бошпаналарини модернизация қилиш учун юзлаб тендерлар пайдо бўлган. Шартномалар вентиляцияни таъмирлаш, гидроизоляция, эшикларни алмаштириш, ҳаво филтри ва ёритиш мосламаларини ўз ичига олади. Собиқ амалдорлардан бирининг сўзларига кўра, давлатнинг бомба бошпаналарига эътибор қаратиш Путиннинг Россия ядро кучларини “юқори шай ҳолатга келтириш” ҳақидаги буйруғидан сўнг ядро урушидан қўрқиш кучайиши билан боғлиқ.
Мавзуга доир:
Изоҳ (0)