Қирғизистонда фуқароларни электр энергияси билан таъминлаш қоидалари ўзгартирилиши мумкин. Бу ҳақда Қирғизистон иқтисодиёт ва савдо вазирлиги хабар берди.
Ушбу мамлакатда Вазирлар Маҳкамасининг тегишли қонун лойиҳаси маъқулланса, табиий офатлардан мажбурий суғурта полиси бўлмаган фуқаролар электр таъминотидан узиб қўйилиши мумкин.
Қонун лойиҳасига маъқулланса, янги мулкдор ёки ижарачи суғурта компанияси билан шартнома тузиши, ўз номига шахсий ҳисоб рақам очиши ва уй-жойга киришдан аввал полисни тақдим этиши керак.
Агар ҳужжатлар белгиланган санада расмийлаштирилмаса, компания уни расмийлаштириш кераклиги ҳақида уйнинг янги эгасини ёзма равишда хабардор қилади ва электр энергияси узиб қўйилиши эҳтимоли ҳақида огоҳлантиради.
Лойиҳа муаллифларининг таъкидлашича, шундай йўл билан фуқаролар фавқулодда вазиятларда етказилган зарарни ўз вақтида қоплаш ва молиявий барқарорликни сақлаб қолиш имкониятига эга бўлади. Қолаверса, бундай тартиб жорий этилиши Қирғизистон фуқароларининг суғурта маданиятини оширишга хизмат қилади.
Евгений Коротовских, Бишкек
Изоҳ (0)