“Набирамга зудлик билан буйрак кўчириб ўтказиш керак” (видео)

“Меҳридарё” лойиҳасига ангренлик Жумахон Ғаниева мурожаат қилиб, набирасининг жарроҳлик амалиёти ва дори-дармонлари учун халқдан ёрдам сўради. 

— Эндигина 27 ёш бўлган набирам Қаҳрамон Жумабоев сурункали буйрак етишмовчилиги касаллиги билан оғрияпти. Отаси анча йил аввал вафот этган, февраль ойида онаси ҳам уйқуга кетиб, қайтиб уйғонмади. Бу набирам беш йил Россияда муҳандислик соҳасида ўқиб, эндигина Ўзбекистонга қайтганди. Шу кунгача саломатлигидан шикоят қилмаган, фақатгина 18 ёшида тиббий кўрикдан ўтганида сийдик йўлида бироз муаммо борлиги ҳақида айтишган эди. Бу ташхисга совуққонлик билан қараганимиз учунми, бирдан буйраги оғриб, у кўзларига ҳам таъсир этди. Кўзлари кўрмай, комага тушиб, 5 кун ўзига келмади. 
Шифокорларнинг айтишича, унга зудлик билан буйрак кўчириш операциясини ўтказиш керак. Акаси бир буйрагини беришга тайёр. Аммо донорнинг буйрагини олиш пулли экан ва дори дармонлар учун ҳам катта маблағ талаб этилар экан. Донорнинг операцияси 29 миллион сўмга қилинар экан. Дори-дармонлари учун 50 миллион ва текширувлар учун 9 миллион сўм маблағ керак экан. Бизда бунча пул йўқ.

Илтимос, саховатпеша инсонлар набирамни операция қилишга ёрдам беринглар. Навқирон йигитнинг кундан кунга сўлиб бораётганини кўриб юрагим эзиляпти, — дейди беморнинг бувиси Жумахон Ғаниева.

Бемор Қаҳрамон Жумабоевга хайрия қилишни истасангиз,
9860 0101 2980 1089
Жумабоэв Какҳрамон

Мурожаат учун: +99893 6012697 (опаси Нигора Йўлдошева)