“Меҳридарё” лойиҳасининг навбатдаги қаҳрамони Тошкент вилоятининг Оққўрғон туманидан ташриф буюрди. Эндигина 12 ёшни қаршилаган Жонимурод Жамилов бир неча йилда буён оққон хасталиги билан курашади. Онаси Мавлуда Аннаеванинг сўзлари кўра, оила моддий жиҳатдан ночор аҳволга келиб қолган ва фарзандининг соғайиши учун халқнинг ёрдами керак.
— Учта ўғил фарзандим бор. Кенжатойим Жонимурод 7 йилдан буён оққон касаллиги билан курашмоқда. Ўғлимнинг соғайиб кетиши учун уйимиздаги бор нарсаларни сотдик. Унинг аҳволи анча яхшиланганди, афсуски, 20 январь куни бирдан саломатлиги яна ёмонлашди.
Ўзим ҳеч қаерда ишлолмайман, чунки ўғлимнинг ҳамиша ёнида бўлишим керак. Хўжайиним авваллари ишларди. Аммо ўғлининг касал бўлганлигидан кейин кучли депрессияга тушиб, ичкиликка руъжу қўйди. Ҳозирги кунда Ангрен туманидаги норкология диспансерида мажбурий даволанмоқда. Биз эса салкам бир ойдан бери Республика болалар гемотология марказида даволаняпмиз.
Шифокорлар кимётерапия олишимиз кераклигини айтди. Муолажалар бепул бўлгани билан дориларни ўз ҳисобимиздан сотиб олишимиз керак. Ҳозирча 700 АҚШ долларлик доридан иккита олишимиз ва кимётерапияни бошлашимиз кераклигини айтишди. Аммо унча пул менда йўқ. Агар турмуш ўртоғим ишлаб пул етказиб турганида ҳам халқдан ёрдам сўрамаган бўлардим.
Ўғлимнинг аҳволи анча яхшиланган эди. Мактабда синф сардори бўлиб ўқиётганди. Ўқишлари аъло, катта бўлса тадбиркор бўлишни ва оғир хасталикка чалинган болаларга хайрия қилишни орзу қилади.
Яхши инсонлар менга ёрдам қилинг. Ўғлимнинг соғайиб кетиши учун ёрдамларингизни аяманг, — дейди Мавлуда Аннаева.
Жонимурод Жамиловга хайрия қилишни истасангиз,
8600 0610 3063 5931 (Аннаева Мавлуда)
Мурожаат учун: (93) 606-46-77
Изоҳ (0)