Фарғона вилоятида эркак қушни машина ойнасига ёпиштириб, қийноққа солгани акс этган видео тарқалди. Табиат ресурслари вазирлиги вилоят бошқармаси мазкур видео юзасидан “Дарё”га муносабат билдирди.
Хабарга кўра, номаълум эркак сичқонларни тутишга мўлжалланган ёпишқоқ воситани скотчлаб, унга ёпишиб қолган қушни қийнаган. 9 март куни ижтимоий тармоқларда тарқалган мазкур видеолавҳа юзасидан бошқарма ходимлари томонидан ўрганиш ишлари ўтказилди.
Ўрганишлар давомида видеодаги давлат белгиси 40 Р 823 ВА бўлган Gentra Фарғона туман “Бўстон” МФЙ ҳудудида яшовчи фуқаро М.О.га тегишли экани аниқланиб, яшаш манзилига бориб у билан суҳбат ўтказилди.
Суҳбат давомида қушлар машина ойналарини тирнаб ташлаётгани сабабли шундай ёпишқоқ воситани скотчлаб, қушни ушлагани, бироқ видеоролик олингандан сўнг қушни қўйиб юборганини билдирган. Шунингдек, бундай хатти–ҳаракати учун узр сўраган ва қилган ишидан пушаймонлигини, бу ҳолат яна такрорланмаслигини айтиб ўтган.
Бошқарма ходимлари томонидан фуқаро М.О.га тегишли қонун талаблари юзасидан тушунтириш ишлари олиб борилиб, ҳолат юзасидан тушунтириш хати олинди ва тўпланган ҳужжатлар тегишли чора кўриш мақсадида туман ИИБга юборилди.
Изоҳ (2)
san qanday qilip kuching shu qushga yetdimi jazosini berish kerak iib xodimlari
Umumxalq ? Umum o'qituvchi va shifokorlar xashari