Хитойнинг Loong Air авиакомпанияси 26 мартдан Ўзбекистонга рейслар сонини оширади, деб хабар бермоқда Uzbekistan Airports матбуот хизмати.
Ушбу авиакомпания Сиань—Тошкент—Сиань йўналиши бўйича ҳафтада бир марта: жума кунлари йўловчи қатновларини амалга ошириб келаётганди. 26 мартдан бошлаб Loong Air ҳафтасига уч марта — сешанба, пайшанба ва шанба кунлари парвозларни амалга оширади.
Бундан ташқари, авиакомпания Чэнду—Тошкент—Чэнду бўйича янги йўналишни йўлга қўяди. Мунтазам йўловчи рейслари Airbus А320 самолётларида ҳафтасига уч марта — душанба, чоршанба ва жума кунлари амалга оширилади.
Loong Air — бош қароргоҳи Ханчжоуда жойлашган Хитой авиакомпанияси бўлиб, йўловчи ва юк ҳаво ташишларини таъминлайди.
Изоҳ (0)