Relativity Space компанияси томонидан Теrran 1 ракета ташувчисининг космосга дебют парвози муваффақиятсиз якунланди. Бу ҳақда Space хабар берди.
.jpg)
Мазкур ракетанинг 85 фоиз қисми 3D-босма бўлиб, у космосга чиқиши керак бўлган дунёдаги энг катта объектдир. Ракета 8 март куни кечқурун учирилиши керак эди, бироқ двигателларида ёнилғи ҳарорати кўтарилгани сабабли учирилишидан 70 сония олдин тўхтатилган.
Дастлаб, Relativity Space муҳандислари юзага келган муаммони ҳал қилмоқчи бўлишган, аммо учиришни кечиктириш тўғрисида қарор қабул қилинган. Ракета 11 мартгача, яъни Теrran 1 ни коинотга юборишга иккинчи уриниш амалга оширилгунга қадар Флоридадаги учиш майдончасида қолади.
Штаб-квартираси Калифорнияда жойлашган Relativity Space компанияси вакили ракетага катта умид боғлаётганини ва 3D-босма ракетани учириш бўйича навбатдаги уриниш муваффақиятли бўлишига ишончи комиллигини айтди. Мавжуд икки босқичли ракеталар билан солиштирганда, Теrran 1 нисбатан кичик бўлиб, 33 метрга (тахминан 10 қаватли бино баландлиги) тенг. Ушбу ракетанинг асосий вазифаси кичик сунъий йўлдошларни паст ер орбитасига учиришдан иборат.
Теrran 1 ракетаси коинотга 900 кг дан 1 250 кг гача фойдали юкларни олиб чиқа олади. Уни ишга тушириш нархи тахминан 12 миллион долларни ташкил қилади. Ҳозирда Америка компанияси муҳандислари баландлиги 66 метр бўлган ва коинотга 20 тонна фойдали юк етказа оладиган Теrran R ракетасини яратиш устида фаол ишламоқда. Ушбу ракетанинг биринчи парвози 2024 йилга мўлжалланган.
Изоҳ (0)