“Ядровий рақиблари” сони ортиши фонида АҚШ зарур бўлган ядро каллакларининг ҳисобини олиши керак. Бу ҳақда АҚШ собиқ президенти Дональд Трампнинг миллий хавфсизлик бўйича собиқ маслаҳатчиси Жон Болтон The Washington Post газетасидаги мақоласида ёзди.
Болтоннинг сўзларига кўра, Россия президенти Владимир Путин Стратегик қуролларни қисқартириш бўйича келишувда Россиянинг иштирокини тўхтатишга қарор қилганидан сўнг, Вашингтон эндиликда нафақат Москва, балки Пекин ҳам унинг ядровий рақиби эканлигини тан олиши керак.
Унинг фикрича, Қўшма Штатлар Россия билан “ядровий қарама-қаршилик”га бориши мумкин ва агар Вашингтон бу вазиятда ғолиб чиқса ҳам, у дарҳол Пекин билан ядровий зиддиятга дуч келади.
“Вашингтон икки рақибга қарши туриш учун АҚШнинг ядровий активлари қанчалик катта бўлиши кераклиги ҳақидаги асосий саволларга жавоб бериши зарур”, — деб ёзади у.
Собиқ маслаҳатчининг қўшимча қилишича, Вашингтон Шимолий Корея ва “ядровий қурол яратишга интилаётган” Эрон Россия ва Хитойни иттифоқчи, АҚШ ва уларнинг ҳамкорларини эса душман деб билишга мойиллигини ҳам ҳисобга олиши лозим.
Шу муносабат билан, дейди Болтон, АҚШ аввал ядро каллаклари сонини қайта кўриб чиқиши, сўнгра ядровий қурол масаласида дипломатия билан шуғулланиши керак.
Изоҳ (0)