Дунёда бандлик ва меҳнат шароитларига киришда гендер номутаносиблиги илгари ўйланганидан ҳам каттароқ бўлиб чиқди ва сўнгги йигирма йил ичида уни қисқартириш бўйича бироз озгина муваффақиятга эришилди. Бу ҳақда Халқаро меҳнат ташкилоти (ХМТ) ҳисоботидан маълум бўлди.
ХМТ томонидан ишлаб чиқилган янги кўрсаткичга кўра, аёлларнинг иш жойига эга бўлиши, меҳнат шароити, аёллар ва эркаклар ўртасидаги иш ҳақи фарқлари сўнгги йигирма йил ичида деярли ўзгармаган.
ХМТ Бирлашган Миллатлар Ташкилотининг ихтисослашган муассасаси бўлиб, меҳнат муносабатларини тартибга солиш билан шуғулланувчи халқаро ташкилотдир. Янги кўрсаткич иш топишга қизиққан барча ишсизларни қамраб олади.
Шахсий ва оилавий мажбуриятлар, шу жумладан ҳақ тўланмайдиган парваришлаш ишлари аёллар ва эркакларга номутаносиб равишда таъсир қилади. Бу эса аёлларга нафақат иш топишга, балки фаол иш қидиришга ёки қисқа вақт ичида унга тайёр бўлишга тўсқинлик қилиши мумкин.
Ишсиз деб ҳисобланиш учун сиз ушбу мезонларга жавоб беришингиз керак, шунинг учун ишга муҳтож бўлган кўплаб аёллар ишсизлик кўрсаткичларида акс этмайди, — деб тушунтиради ХМТ.
Янги маълумотлар шуни кўрсатадики, аёлларга ҳали ҳам эркакларга қараганда иш топиш қийинроқ.
Дунёдаги меҳнатга лаёқатли аёлларнинг 15 фоизи ишлашни хоҳлайди, лекин улар ишсизлар. Эркаклар эса 10,5 фоиз. Бу гендер тафовути йигирма йил давомида (2005—2022) деярли ўзгармаган, — дейилади ХМТ ҳисоботида.
Ривожланаётган мамлакатларда бу кўрсаткичлар мос равишда 24,9 фоиз ва 16 фоизни ташкил қилади.
ХМТ статистик маълумотларига кўра, глобал миқёсда эркаклар томонидан ишлаб топилган ҳар бир доллар меҳнат даромади учун аёллар 51 сент олади.
Изоҳ (0)