Қуёшда кучли чақнаш содир бўлди (видео)

NASA 3 март куни Қуёшда кучли чақнаш содир бўлганини маълум қилди. Аэрокосмик агентлик ўзининг Twitter’даги саҳифасида бу бўйича маълумот берди.

Маълум қилинишича, чақнаш Х2.1 синфида бўлиб, шу даражада кучли бўлганки, Шимолий ва Жанубий Америкада қисқа тўлқинли радио эшиттиришларнинг узилишига олиб келган.

The Sun emitted a strong solar flare on March 3, 2023, peaking at 12:52 ET. NASA’s Solar Dynamics Observatory captured an image of the event, which was classified as X2.1. https://t.co/2bkwGSlVp4 pic.twitter.com/EcOxPpVNzu

— NASA Sun & Space (@NASASun) March 3, 2023

Тарихда қайд этилган энг кучли чақнаш 1859 йилда кузатилган. У келтириб чиқарган геомагнит бўрон бутун Европа ва Шимолий Америкада телеграф алоқаларининг узилишига олиб келган. Бугунги кунда бундай чақнашлар ҳаводаги самолётлар учун жиддий оқибатларга олиб келиши мумкин.

11 февраль куни ҳам AR3213 қуёш доғида Х1.1 синфидаги кучли қуёш чақнаши қайд этилганди. Ушбу ҳодиса SDО космик аппарати асбоблари томонидан қайд этилган. Чақнаш натижасида қуёш зарралари Ерга томон ҳаракатланган, бу Жанубий Америкада бир соат давомида радио узилишига олиб келган. Қуёш зарралари оқими нафақат Ердаги алоқанинг ишлашига салбий таъсир кўрсатиши, балки космик сунъий йўлдошларга, шунингдек, Халқаро космик станцияга ҳам зарар етказиши мумкин.