Польша ва Германия ўртасида Украина бўйича кескинлик юзага келди — Bloomberg

Польша ва Германия сиёсатчилари ўртасида Украинага қурол етказиб бериш борасида келишмовчилик юзага келди. Бу ҳақда Bloomberg хабар берди.

Берлин расмийларига кўра, танклар ва қурол-яроғлар бўйича келишмовчиликдан ташқари, икки томонлама ҳамкорлик силлиқ кечмоқда. Польша раҳбарлари жанговар танкларни фронтга жўнатишни кечиктиришда айблаб, Берлинга “ҳужум қилиш” имкониятини қўлдан бой бермаётгани келтирилади. Хусусан, Польша раҳбари Анжей Дуда эски Леопард танклари учун эҳтиёт қисмлар етказиб беришдаги муаммолар сабабли Германияни танқид қилган.

“Асосий масъулият ушбу танкларнинг асосий ишлаб чиқарувчиси бўлган Германия зиммасига тушади. Шунча вақт давомида немис томонини танклар коалициясига қўшилишга ва нафақат танклар, балки эҳтиёт қисмларни ҳам етказиб беришга чақириб келдик”, — деди у.

Ўз навбатида Германия томони А4 арсеналда йўқлиги сабабли немис ҳарбийларида уларга мос эҳтиёт қисмлар йўқлигини даъво қилмоқда. Бундан ташқари, Германия танқидчилари қандай қилиб шошилинч равишда эскирган танкларни Украинага етказиб беришга уринаётганини илгари сурган.

Хусусан, Германия мудофаа вазири Борис Писториус ўн йил аввал Брюсселда НАТО йиғилишида Польшанинг Леопард 2А4 моделлари захиралари ҳақида тегишли фикрни билдирганди. Польша ва Германия сиёсатчилари кимнинг энергетика сиёсати Москвага ёрдам бергани ҳақида баҳс юритган. Исми ошкор этилмаган мулозим журналистларга низолар Украинага қурол етказиб беришга халақит бериши мумкинлигидан хавотирда эканини айтган.

“Германия Киевга керакли ёрдам кўрсатишдан кўра, халқаро ўйинчиларнинг мақтови учун Польша билан рақобатлашмоқчи”, — дейди манба.

Эътиборлиси, икки давлатлар ўртасидаги кескинлик Польшада октябр ойида бўлиб ўтиши мумкин бўлган сайловларга бир неча ой қолганида содир бўлмоқда. Манбага кўра, Германия канцлери Олаф Шольц кескинлик айнан сайловлар билан боғлиқлигига ишонч билдирган ва сайловолди кампанияси якунланиши билан вазият нормаллашишини кутмоқда. Энергетика каби бошқа соҳаларда ҳам ҳамкорлик фаол давом этмоқда. Мисол учун, Германия Берлин яқинидаги Россия давлат нефть компаниясига тегишли бўлган нефтни қайта ишлаш заводини сотиш устида ишламоқда. Польша давлат компанияси ПКН Орлен SA эса акцияни сотиб олишга қизиқиш билдирмоқда.