Ўзбекистон ва Швеция тоғ-кон саноати, транспорт ва энергетика соҳаларида ҳамкорлик қилиши кутилмоқда. Бу ҳақда “Дунё” хабар берди.
Хабарга кўра, Ўзбекистон Муваққат ишлар вакили Нодир Ғаниев Халқаро Швеция саноат кенгаши лойиҳалар директори Хенрик Халлгрен билан учрашув ўтказди. Музокаралар давомида Ўзбекистон ва Швеция ўртасидаги савдо-иқтисодий ҳамда сармоявий ҳамкорликни ривожлантириш масалалари муҳокама қилинди.
Шунингдек, тоғ-кон саноати, транспорт ва энергетика соҳаларида ўзаро алоқаларни йўлга қўйиш мақсадида ушбу йўналишларда фаолият олиб бораётган корхоналар вакиллари иштирокида давра суҳбатлари ва ташрифларни ташкил масалаларини биргаликда ишлаб чиқишга келишиб олинди.
Аввалроқ Швеция, АҚШ ва бошқа қатор мамлакатлар Ўзбекистонда ўтадиган бокс бўйича ЖЧ—2023 га бойкот эълон қилгани хабар берилганди.
Шунингдек, Ўзбекистон ва Швеция сув ресурсларини бошқаришда ҳамкорлик қилиши айтилганди. Бундан ташқари, Ўзбекистон Швеция билан инфратузилма соҳасида ҳамкорликни кенгайтириши хабар қилинган.
Изоҳ (0)