Австралиянинг чакана савдо дўконларида ўғриликлар сони рекорд даражага етди, деб хабар бермоқда Reuters ҳукумат статистикасига таяниб.
Масалан, Австралиянинг жануби-шарқидаги Янги Жанубий Уэлс штатида 2021—2022 йиллар оралиғида ўғриликлар сони 23,7 фоизга ошган. Бу давлат статистикаси юритила бошлаган 1995 йилдан бери энг тез ўсишдир.
Австралиянинг яна бир штати Квинслендда дўконлардан маҳсулот ўғирлашнинг ойлик энг юқори даражаси қайд этилди, дея хабар бермоқда Reuters полиция маълумотларига таяниб.
Австралия аҳолисининг учдан бир қисми Янги Жанубий Уэлсда яшайди. Квинсленд мамлакатдаги аҳоли сони бўйича учинчи штат ҳисобланади.
2022 йилнинг май ойидан бери Австралияда ишсизлик даражаси аста-секин ўсиб бормоқда, деб ёзади Reuters. Шу билан бирга, Австралияда инфляция даражаси 8 фоиз.
Январь ойида Австралияда ишсизлик даражаси 3,7 фоизни ташкил этди. 2022 йилнинг ноябрь ва декабрь ойларида бу кўрсаткич 3,5 фоиз даражасида сақланиб қолганди. Давлат статистика бюроси ишсизликнинг ўсишини меҳнат бозоридаги мавсумий тебранишлар билан боғлади.
Изоҳ (0)