“Туркистонбанк” банкрот деб эълон қилинди

Марказий банк “Туркистонбанк”ни банкрот деб топилганини маълум қилди. Бу ҳақда банк матбуот хизмати хабар бермоқда. 

Маълум бўлишича, 2023 йил 15 февралдаги Тошкент туманлараро иқтисодий судининг “Туркистон” хусусий акциядорлик тижорат банкини банкрот деб топиш тўғрисидаги ҳал қилув қарори қабул қилинган. 

Бундан ташқари, Марказий банк Бошқарувининг тегишли қарорига асосан “Туркистон” хусусий акциядорлик тижорат банкининг тугатиш комиссияси ўз фаолиятини якунлагани ҳамда суд томонидан А. Келдиев тугатиш бошқарувчиси этиб тайинлангани маълум қилинди.

Марказий банк бошқарувининг 2022 йил 7 октябрдаги қарорига асосан “Туркистонбанк” ва “Hi-tech bank” хусусий банкларидан банк фаолиятини амалга ошириш ҳуқуқини берувчи лицензия чақириб олинганди.

Ўша пайтда “Туркистонбанк” активлар ҳажми бўйича Ўзбекистон банк тизимида 26-ўринни эгаллаган. 

Кейинчалик “Туркистонбанк” омонатчиларининг маблағлари муддатидан аввал қайтарилиши маълум қилинганди.