Европа Иттифоқи яшил иқтисодиётда ходимлар тақчиллигига дуч келмоқда

Европа Иттифоқи март ойидан бошлаб яшил технологиялар соҳасида кўпроқ ходимларни ёллашни режалаштирмоқда. Бу ҳақда Financial Times хабар бермоқда. 

Бунинг учун Европа Комиссияси хорижликларни ишга жойлаштиришга ёрдам беради.

12,5 мингдан ортиқ компания ва 685 ҳукумат иштирок этган Европа инвестиция банкининг тадқиқотига кўра, яшил технологияларга инвестициялар малакали кадрлар этишмаслиги туфайли чекланади. 

“Яшил инвестициялар йилдан йилга ўсиб бормоқда, бироқ улар ҳали ҳам 2050 йилга келиб нол эмиссия кўрсаткичларига эришиш учун зарур бўлган кўрсаткичдан анча кам”, — дейилади тадқиқотда.

СolarPower Europe ҳисоб-китобларига кўра, фақат қуёш энергетикаси соҳасидаги иш ўринлари сони 2021 йилдаги 500 мингдан 2030 йилгача 1 миллиондан ошиши керак. 

Бунинг учун Европа Комиссияси март ойида секторни ривожлантириш бўйича таклифларни тақдим этади.

Таклиф қайта тайёрлаш дастурлари ва Европа Иттифоқидан ташқаридаги ходимларнинг “яшил секторларга” киришини осонлаштириш йўлларини ўз ичига олади.