Ижтимоий тармоқнинг қорақалпоқ сегментида Қорақалпоғистонинг Қонликўл туманида янги қурилаётган кўп қаватли уйлардан бирининг зинапояси қулаб тушгани акс этган видео ва суратлар тарқалди. Маълум бўлишича ҳолат туманнинг “Янги Ўзбекистон” массиви қурилишида юз берган.
Ҳолат юзасидан Қонликўл тумани ҳокимлиги расмий изоҳ берди. Қайд этилишича, мазкур ҳолат “Наврўз” ОФЙ ҳудудидаги “Янги Ўзбекистон” массивидаги 1/10-сонли беш қаватдан иборат 30 та квартирали кўп қаватли уйда қайд этилган.
.jpg?_t)
.jpg?_t)
Аниқлик киритилишича, 4-қаватдаги зинапоя носозлик сабаб қулаб тушган.
.jpg?_t)
.jpg?_t)
Ҳодиса оқибатида ҳеч кимга зарар етмаган. “Янги Ўзбекистон” массивида қурилиш ишлари “Имарат қурилиш конструкция” МЧЖга топширилган, махсус зинапоялар (қулаб тушган зинапоялар ҳам) эса “Тақиятас Тау-Кита” темир-бетон томонидан шартнома асосида етказиб берилган.
“Ҳозирда воқеа юзасидан прокуротура ва бошқа тегишли ташкилотлар томонидан ўрганиш ишлари олиб борилмоқда”, — дейилади расмий хабарда.
Мазкур қурилишга жавобгар “Имарат қурилис конструкция” МЧЖ раҳбари Мақсет Бекимбетовнинг айтишича, шу йилнинг 3 февраль куни иморатнинг 3-қаватига зинапоялар ўрнатилган. 7 февраль куни эса дарс кетиб, қулаб тушган.
.jpg?_t)
“Бизга зиналарни етказиб берган корхона раҳбарларини чақириб, ҳолатни кўрсатдик. Шартномалари бор. Пуллари банк кредитлари орқали ўтказиб берилган. Бошқа подездларга ҳам шу зинапоялар қўйилганди. Кўп вақт ўтмай улар ҳам ёрилишни бошлади. Зиналар ишлаб чиқариладиган корхона ишчиларини чақириб, уларни ҳам олиб ташладик. Корхона ходимлари бизга умумий ҳисобда 9 та зинапояни янгидан қуйиб берадиган бўлди" — дейди “Имарат Қурилис конструкция” МЧЖ раҳбари Мақсет Бекимбетов.
Изоҳ (0)