Футбол бўйича U-20 Осиё Кубоги мусобақаси олдидан Ўзбекистон ёшлар терма жамоаси бош мураббийи Равшан Ҳайдаров иштирокида матбуот анжумани ташкил этилди.
“Биз бу турнирни интизорлик билан кутдик. Нафақат жамоа, балки маҳаллий ташкилий қўмита томонидан мусобақага узоқ тайёргарлик кўрилди. Умуман олганда, турнирга тайёрмиз.
Мусобақада барча жамоалар ўз олдига аниқ мақсадлар қўйган. Хусусан, биз ҳам. Ўзбекистонда ўтаётган бу турнирда зафар қучиб, Индонезияда ўтказиладиган Жаҳон Чемпионатига йўл олишни мақсад қилганмиз.
Барча жамоаларни ҳурмат қиламиз, ўйлашимча, уларни етарлича ўргандик.
Пандемия туфайли бу ёш тоифасидаги бир нечта турнирлар қолдирилган. Бироқ биз режа бўйича ишладик. Бир нечта йиғинлар ўтказиб, кучли жамоаларга қарши халқаро ўртоқлик ўйинлари ўтказдик. Умуман олганда, етарли даражада тайёргарлик олиб бордик. Барча футболчилар мусобақага тайёр”, — дейди Ҳайдаров.
Ўзбекистон ва Сурия ўртасидаги учрашув 1 март, чоршанба куни “Бунёдкор” стадиона бўлиб ўтади. Учрашув 19:00 да старт олади.
Изоҳ (0)