Buyuk Britaniya qirollik oilasi xizmatchilari qancha maosh olishi ma’lum bo‘ldi

Britaniya qirollik oilasining bo‘lajak xodimlariga yiliga 30 ming dollar, oyiga esa taxminan 2500 dollar maosh va’da qilindi, deb xabar bermoqda “Korrespondent.net” nashri.

Qirollik oilasi hozirda 20 ta bo‘sh ish o‘rinlari borligini ma’lum qilgan. Shuningdek, Vindzor qal’asi chakana savdo yordamchisi, Kensington saroyi dasturi koordinatori va Bukingem saroyi katta loyihalar menejeri lavozimlari uchun bo‘sh ish o‘rni borligi aytilgan. Maoshlarning miqdori hech qayerda ko‘rsatilmagan. Umuman olganda, beriladigan maosh yiliga 42 ming dollardan oshmaydi.

“Ro‘yxatdagi eng yuqori maoshli ish o‘rni — Janubiy qanotdagi katta loyihalar menejeri lavozimi bo‘lib, u Bukingem saroyida olib borilayotgan ta’mirlash ishlari bilan shug‘ullanadi. Lavozim egasi tajribasiga qarab yiliga 72 ming dollargacha maosh oladi va bu doimiy ish vaqtini talab etadigan lavozim hisoblanadi, shu bilan birga, juda katta mas’uliyatni talab etadi. Saroyda kapital ta’mirlash ishlari olib boriladi va hamma narsa keyingi yarim asr davomida xizmat ko‘rsatishi kerak. Qirollik oilasi tomonidan sanab o‘tilgan boshqa ish o‘rinlarining aksariyatiga, jumladan, ishga olish bo‘yicha yordamchi, arxiv katalogchisi va katta muharrir lavozimlariga yillik 27 ming dollardan 42 ming dollargacha maosh taklif qilingan.

Ma’lum bo‘lishicha, Forbes Buyuk Britaniya qirollik oilasining boyligini 2021-yilda 28 milliard dollarga baholagan.