Mashhur yozuvchi Joan Roulingning “Garri Potter” haqidagi kitobiga asoslanib yaratilgan Hogwarts Legacy (“Xogvarts merosi”) videoo‘yini 10-fevral kuni chiqarildi va kutilganidan ortiqroq mashhurlikka erishdi, deb yozmoqda Business Insider nashri.
.jpg)
Dastlabki ikki hafta ichida Warner Bros. Discovery o‘yinning 12 million nusxasini jami 850 million dollarga sotdi va bu Warner Bros Games bo‘limi tarixidagi eng yirik jahon miqyosidagi loyihaning ishga tushirilishi hisoblanadi.
23-fevral kuni Warner Bros. Discovery bosh direktori David Zaslavning ma’lum qilishicha, video o‘yinlarni ishlab chiqish kompaniyaning umumiy strategiyasida asosiy o‘rinni egallaydi.
“Iste’molchilarning Hogwatrs Legacy o‘yiniga munosabati juda ijobiy bo‘ldi”, — deydi Zaslav.
Hogwarts Legacy videoo‘yini chiqarilishidan oldin ham Joan Rouling atrofidagi jamoatchilik tanqidlari ostida noroziliklarga sabab bo‘ldi. “Garri Potter” asari muallifi uzoq vaqtdan beri transfobiyada ayblanadi. Franshizaning ba’zi muxlislari yozuvchining bayonotlari tufayli o‘yinni boykot qilishga chaqirgan, yana yuzlab insonlar Twitch’da Hogwarts Legacy’ga qarshi bir haftalik norozilik namoyishini o‘tkazgan.
Rouling “Garri Potter” muallifi sifatida litsenziyadan foydalangan o‘yin yaratuvchilardan to‘lov oladi. Biroq Hogwarts Legacy’ni ishlab chiquvchilar yozuvchi o‘yinni yaratishda ishtirok etmaganini ma’lum qilgan.
Izoh (0)