Қорақалпоғистон Республикаси Қишлоқ хўжалиги ва агротехнологиялар институтининг бўлим бошлиғи талабанинг контракт пулларини ўзлаштиргани аниқланди. Бу ҳақда “Дарё”га республика ИИВ ахборот хизмати хабар берди.
Маълум бўлишича, мазкур институтда ишлаб келган, 1981 йили туғилган А.Т. институтнинг 2-босқич талабаси, 1994 йилда туғилган К.К.нинг ишончига кириб, “контракт пулларингни ўзим тўлаб бераман”, дея унинг 5 миллион 557 минг сўм пулини олган. Лекин тўлов бўлмаган, пул ҳам эгасига қайтмаган.
Таъкидланишича, ҳолат юзасидан Нукус шаҳар ИИОФМБ тергов бўлими томонидан жиноят иши қўзғатилган.
“Бу каби фирибгарлик ҳолатларининг олдини олиш мақсадида Нукус шаҳар ИИОФМБ 4-сонли ИИБ бошлиғи, подполковник А.Утеназаров, бошқарма HPБ бошлиғи, подполковник Б.Уразов, солиқ инспекцияси вакиллари ҳамда институт жамоаси иштирокида ҳолат кенг муҳокама этилди”, — дейилади расмийлар ахборотида.
Изоҳ (0)