Qoraqalpog‘iston Respublikasi Qishloq xo‘jaligi va agrotexnologiyalar institutining bo‘lim boshlig‘i talabaning kontrakt pullarini o‘zlashtirgani aniqlandi. Bu haqda “Daryo”ga respublika IIV axborot xizmati xabar berdi.
Maʼlum bo‘lishicha, mazkur institutda ishlab kelgan, 1981-yili tug‘ilgan A.T. institutning 2-bosqich talabasi, 1994-yilda tug‘ilgan K.K.ning ishonchiga kirib, “kontrakt pullaringni o‘zim to‘lab beraman”, deya uning 5 million 557 ming so‘m pulini olgan. Lekin to‘lov bo‘lmagan, pul ham egasiga qaytmagan.
Taʼkidlanishicha, holat yuzasidan Nukus shahar IIOFMB tergov bo‘limi tomonidan jinoyat ishi qo‘zg‘atilgan.
“Bu kabi firibgarlik holatlarining oldini olish maqsadida Nukus shahar IIOFMB 4-sonli IIB boshlig‘i, podpolkovnik A.Utenazarov, boshqarma HPB boshlig‘i, podpolkovnik B.Urazov, soliq inspeksiyasi vakillari hamda institut jamoasi ishtirokida holat keng muhokama etildi”, — deyiladi rasmiylar axborotida.
Izoh (0)