Франциянинг Engie энергетика компанияси узоқ муддатли шартномалар бўйича газ етказиб бериш мажбуриятларини бажарилмаганлиги сабаб “Газпром Экспорт” компаниясига қарши арбитраж ишини бошлади. Бу ҳақда “Интерфакс” хабар бермоқда.
Суд иши 2022 йилнинг тўртинчи чораги бошида бошланган. Engie шартнома бўйича жарималарни тўлашни ва “Газпром”нинг келишувларга риоя қилмаслиги натижасида кўрилган зарарни қоплашни талаб қилмоқда.
“Ушбу арбитраж процедураси 2022 йил июнь ойи ўрталарида “Газпром Экспорт”нинг Engie компаниясига етказиб беришдаги сезиларли танқислик билан боғлиқ, шундан сўнг 2022 йил ёзи охирида “Газпром Экспорт” томонидан томонлар ўртасидаги келишмовчиликлар туфайли Engieъга етказиб беришни қисқартириш бўйича бир томонлама қарор қабул қилинган”, — дейилади ҳужжатда.
Engie француз энергетика саноати гуруҳидир. 2015 йил нефтдан ташқари энергетика соҳасида учинчи йирик глобал гуруҳ бўлган. Унинг асосий акциядори Франция давлати бўлиб, у капиталнинг 23,64 фоизига ва овоз бериш ҳуқуқининг 33,84 фоизига эга.
2022 йил 1 сентябрдан бошлаб “Газпром” июль ойидаги етказиб бериш учун тўлиқ тўланмагани учун Engieъга газ етказиб беришни тўхтатганди.
Украинадаги уруш ва газ билан боғлиқ вазият
2022 йил 28 сентябрда Европа Иттифоқи давлатлари газ нархини зудлик билан чеклашни талаб қилди.
1 октябр куни Газпром Молдовага газ етказиб беришни 30 фоизга қисқартирди. 2022 йил 1 ноябрдан Газпром Италияга газ етказиб беришни тўхтатди.
2022 йил 1 декабрь ҳолатига кўра, Газпром Европа Иттифоқи мамлакатларига газ экспортини деярли икки баравар камайтирди.
2023 йил 4 январь ҳолатига кўра, Россия газининг Украина орқали транзити тарихий минимал даражага тушди.
2023 йил 21 февралда Газпром Украина орқали газ оқимини йиллик максимал даражага оширди.
Изоҳ (0)