“МегаФон” ўзининг эгаси USM Telecom’га 2021 йил февраль ойида USM Telecom, “МегаФон” ва Ўзбекистон ҳукумати томонидан яратилган Digital Holding’ни бошқарувчи Digital Invest МЧЖдаги 50 фоиз улушини сотди. Бу ҳақда Forbes хабар бермоқда.
Таҳлилчилар ушбу битимни 5-10 миллиард рублга баҳолаб, Алишер Усмонов ўзининг тарихий ватани билан бизнес алоқаларини мустаҳкамлашда давом этаётганини таъкидлади.
“МегаФон” Digital Invest капиталини тарк этди, компаниянинг 50 фоиз улуши 23 декабрь куни USM Telecom томонидан сотиб олинди.
Digital Invest 2021 йил февраль ойида ташкил этилган Digital Holding компаниясининг 51 фоизига эгалик қилади.
Digital Holding — USM Telecom, “МегаФон” ва Ўзбекистон Давлат активларини бошқариш агентлиги (DAБA) томонидан ташкил қилинган қўшма корхона ҳисобланади.
Digital Holdingънинг 49 фоиз улуши эса DAБA вакили бўлган Ўзбекистон ҳокимиятига тегишли.
DAБA республиканинг энг йирик уяли алоқа оператори Cосcом устав капиталининг 100 фоизини қўшма корхонага ўтказиб, давлат улушини 201,4 миллион долларга баҳолади.
Cоscом Ўзбекистонда Ucell савдо белгиси остида фаолият юритади ва ТМТ Consulting маълумотларига кўра, мобил алоқа бозорининг 30 фоизини эгаллайди.
USM Telecom’нинг Ўзбекистонда ICS Holding Uzbekistan ва CRPТ Тuron товарларни маркалаш тизими оператори каби шўба корхоналари бор. Бундан ташқари, USM Telecom (Алишер Усмоновнинг USM холдинг компанияси бўлинмаси) “МегаФон”нинг 100 фоизини назорат қилади.
Изоҳ (0)