Қозоғистон бошқа мамлакатларда вабо тарқалиши сабабли чегарада назоратни кучайтирди. Бу ҳақда мамлакат Соғлиқни сақлаш вазирлигига таяниб, Tengrinews хабар берди.
ССВ Санитария-эпидемиология назорати қўмитаси юқумли касалликларни эпидемиологик назорат қилиш бошқармаси бошлиғи Роза Кожапова дунёнинг қатор мамлакатларида вабо билан касалланиш натижасида юзага келадиган асоратлар камаяётганини айтди.
“Булар асосан Африка, Сурия давлатларидир. Агар Қозоғистонда десак, сўнгги 10 йил ичида маҳаллий вабо билан касалланиш ҳолатлари қайд этилмаган.
Вабо — одамдан одамга тўғридан тўғри сув орқали юқадиган касаллик. Бироқ жорий йилда дунёда вазият мураккаблашганидан қатъи назар, ичимлик суви ва очиқ сув ҳавзаларидаги сув сифати доимий равишда назорат қилинмоқда. Очиқ сув ҳавзаларида сув мунтазам равишда патогенлар, шу жумладан, вабо мавжудлигига текширилади. Бугунги кунга келиб, тадқиқот натижаларига кўра, Қозоғистонда вабо эпидемияси хавфи йўқ”, — деди у.
Унинг сўзларига кўра, бир қатор мамлакатларда вабо касаллиги қайд этилганини ҳисобга олиб, Қозоғистон чегарасида назорат кучайтирилмоқда.
“Мамлакатга келган фуқароларни текширмоқдамиз. Агар вабо белгилари аниқланса, улар изоляция қилинади. Тиббий ёрдамга мурожаат қилган шахсларда анамнез аниқлаштирилади. Агар одамлар чет элдан келган бўлса ва уларда ҳам худди шундай касаллик бўлса, эпидемияга қарши чоралар кўрилади ва улар изоляция қилинади”, — деди Кожапова.
Изоҳ (1)
Янги нафас?