Олимлар узоқ вақтдан бери Ернинг марказида нима борлиги билан қизиқади ва яқинда ўтказилган тадқиқот Ернинг металл ядросида алоҳида 643 738 метр кенгликдаги темир шари борлиги ҳақидаги назарияни илгари сурди. Бу ҳақда CNN хабар берди.
Янги тадқиқотга кўра, ташқи қобиқ, мантия ва эриган суюқ ташқи ядро остида Ернинг қаттиқ металл маркази жойлашган бўлиб, у аслида яширин қатлам ёки “ички ядро”га эга. Кашфиёт Ернинг тўртта эмас, балки бешта асосий қатламга эга эканини очиб беради. Бу олимларга Ер ва унинг қандай пайдо бўлгани ҳақида янги тафсилотларни тақдим этиши кутилмоқда. Олимлар илк бор Ер ядросида қўшимча, кўзга ташланмайдиган қатлам бўлиши мумкинлигини тахмин қилди.
Тадқиқотчилар Ер марказидан ўтадиган зилзилаларнинг сейсмик тўлқинларини ўлчаш йўли билан Ернинг энг ички ядросини аниқлади. Сейсмик тўлқинлар — зилзила, вулқон отилиши ёки бошқа сабаблар натижасида Ернинг ичида ёки юзаси бўйлаб ҳамда унинг ички қатламлари бўйлаб тарқаладиган тебранишлардир.
“Ушбу тадқиқотда биринчи марта кучли зилзилалар натижасида ҳосил бўладиган ва ер шарининг бир четидан иккинчисига беш мартагача олдинга ва орқага ҳаракатланувчи сейсмик тўлқинларнинг кузатувлари ҳақида хабар бермоқдамиз”, — дейди тадқиқот ҳаммуаллифи доктор Ҳан-Сонг Фам.
Олимнинг таъкидлашича, бешинчи қатлам илгари батафсил кузатилмаганининг сабаби, унинг таркиби бошқа қатламларга ўхшашлигидир. Тадқиқот шуни кўрсатадики, кашф этилган марказнинг кенглиги эҳтимол 400 миля (644 километр) бўлган теми шар бўлиб, унинг ташқи қобиғи темир-никел қотишмасидан иборат.
.jpg)
Ер ядросини баҳолашга келганда, тадқиқотчилар сейсмик тўлқинлар у орқали турли йўналишларда қанчалик тез ўтишини кўриб чиқди ва бешинчи қатлам тўлқинлар тезлигини ўзгартирганини аниқлади. Аниқ ички ядронинг мавжудлиги олимларга Ернинг магнит майдонини ва у қандай ривожланганини тушунишга ёрдам беради.
Бундан ташқари кашфиёт “бошқа сайёралар билан нима юз бериши мумкинлиги ҳақида тушунча беради. Мисол сифатида Марсни олайлик. Биз ҳали ҳам нима учун (Марснинг магнит майдони) ўтмишда мавжуд бўлмаганини тушунмаяпмиз”, — деди Фам.
Изоҳ (0)