Украина Мудофаа вазирлиги разведкаси бошлиғи Кирилл Буданов Украинанинг Россия билан урушда эришган ғалаба ва мағлубиятини айтди. У Forbes нашрига берган интервьюсида бу ҳақда гапирди.
Будановнинг сўзларига кўра, Россияга қарши урушда эришилган энг йирик ғалаба Херсон шаҳри, шунингдек, Киев ва Харков вилоятларини Россия армиясидан озод қилиш ҳисобланади.
“Ғалаба душманни Киев йўналишидан орқага қайтариш, Харков йўналишидаги ҳаракатлар ва Херсон шаҳри устидан назоратни қўлга олишни ўз ичига олади”, — деди Украина разведкаси раҳбари.
Шунингдек, Буданов 2014 йилда Қрим ҳамда Луганск ва Донецкнинг бир қисмининг босиб олиниши Украина мағлубияти эканини қайд этди.
“Мен субъектив гапираман. Биринчи йирик мағлубият Украинанинг Северодонецк вилоятидаги вақтинча мағлубияти саналади. Иккинчиси урушнинг биринчи даври бўлиб, Волноваха вилоятидаги чизиқнинг бузилганди. Учинчиси эса 2014 йилда Донецк ва Луганск вилоятларини, Қрим автоном республикасини вақтинча босиб олишга рухсат берилиши бўлди. Мана, бизнинг учта энг йирик мағлубиятимиз, бироқ уларнинг ҳаммаси тузатилди”, — деди Буданов.
Изоҳ (0)