“Вагнер” асосчиси Евгений Пригожин Африка ва Яқин Шарқда ўзига алоқадор нефть, газ, олмос ва олтин қазиб олиш билан шуғулланадиган компаниялар фаолиятидан 4 йилда 250 миллион долларга фойда олди. Бу ҳақда Financial Times журналистлари хабар берди.
Суриштирув материалида айтилишича, бундай даромад, “Евро полис”, “М инвест” ва “Меркурий” компанияларининг 21 декабрь 2022 йилгача бўлган молиявий ҳисоботларини таҳлил қилиш орқали аниқланган. Пригожинга нисбатан 2016 йилдан қўлланилган санкциялар олигархга Судан, Сурия, Африка ва Осиёдан 100 миллионлар ишлаб топишга тўсқинлик қилмаган. Хусусан, журналистлар “Евро полис” компаниясининг ҳисоботига эътибор қаратган.
АҚШ ҳукумати 2018 йилда компаниянинг Суриядаги фаолиятига қарши санкциялар киритган. Ҳисоботи шуни кўрсатдики, санкциялар чекланган таъсирга эга бўлган, чунки 2020 йилда “Евро Полис” ресурсларни 134 миллион долларга сотишни давом эттирган, соф фойда 90 миллион долларни ташкил қилган.
“Бу Россияга қайтарилган қўшма капитал рентабеллигининг 180 фоизини ташкил этди”, — дейди журналистлар.
Пригожиннинг бошқа компаниялари айланмаси, масалан АҚШ санкциясидаги Суданда олтин қазиб олувчи "М Инвест" нинг конлари 2021 йилда 2,6 миллион доллар фойда олди. Бошқа номи келтирилмаган компаниялар Судандаги корхоналарга ва Вагнер билан боғлиқ катта ҳажмдаги саноат ускуналарини жўнатиши ортидан фойдаси 6 миллион доллардан ошди.
Сурияда нефть ва газ соҳасида фаолият юритувчи “Меркурий” компанияси 2021 йилдан бери Европа Иттифоқи санкциялари чекловларига қарамай, уч йил ичида 67 миллион доллар даромад олишга муваффақ бўлган. Бироқ, кейинчалик у "ноль фойда" ҳақида ҳисобот берди, деб ёзади Financial Times.
Нашр журналистлари ҳисоботда кўрсатилган даромад рублдан долларга амалдаги курс бўйича конвертация қилинганини таъкидлади. Мақолада “Вагнер” асосчисининг Россияда топаётган фойдаси ҳисобга олинмаган.
Изоҳ (0)