“Қирғизистонлик сиёсатчилар ёлғонни ёйишга мойил”: Садир Жапаров собиқ президентларнинг Дубайдаги учрашув тафсилотини маълум қилди

Қирғизистон президенти Садир Жапаров Дубайда бўлиб ўтган собиқ президентлар учрашуви ҳақида батафсил маълумот берди. Бу ҳақда “AKIpress” хабар берди.

Жапаров бошчилигидаги учрашувда Асқар Акаев, Қурманбек Бакиев, Роза Ўтунбоева, Алмазбек Атамбаев ва Сўронбай Жээнбеков иштирок этган. Ҳаммани Дубайда учрашувда йиғишдан олдин Бишкекда, “Сўронбай Жээнбеков ва Алмазбек Атамбаев” бир столда ўтирган ва ярашган.

“Улар ярашиб, бир-бирини кечиргач тарқалди. Шундан сўнг, барча собиқ президентларни йиғдик. Албатта, ҳар бир киши билан алоҳида суҳбатлашдик ва Дубайда учрашишимизни айтдик. Улар бир-бирлари билан учрашиши ҳақида айтилмагани рост. Агар айтсак, уларнинг баъзилари келмасди. Аммо махфий маълумотларни яшира олмаймиз. Қирғизистонда ҳамма нарса очиқ. Уларнинг орасида барча президентлар учрашиши ҳақида билганлар ҳам бор эди. Шунга қарамай, ҳамма келди”, — деди Садир Жапаров.

Қирғизистоннинг амалдаги президенти собиқ давлат раҳбарлари билан нима ҳақида гаплашганини маълум қилди.

“Мен шундай бошладим: ъҲурматлилар, асосий нарса ҳақида гапиришдан олдин, сизга бир нарсани айтаман. Қирғизистонлик сиёсатчилар ёлғонни ёйиш одатига эга. Афсуски, халқимиз бундай миш-мишларга ишонади. 13 йил давомида улар мени ъБакиевнинг пулларини Қирғизистонга олиб келиб, резолюция қилишимъ ҳақида гапирди. Шунингдек, Сўронбай Жээнбековдан 10 миллион доллар олиб, сайловга борганимни айтишди, гўёкли мен уларга қарам эдим. Бу ёлғонни тарқатганлар бор эди. Биз муборак жойга, Пайғамбаримиз юрган муқаддас жойда ўтирамиз. ъАгар сиздан ҳеч бўлмаганда тийин олган бўлсам, Худо олдида шу ерда айтинғ, дедим. Албатта, уларнинг барчаси ъйўқъ дейишди”, — дейди Жапаров.

Шунингдек, сиёсатчи собиқ президентларга уларнинг олдида на молиявий, ва сиёсий қарзи ва мажбурияти борлигини қайд этди.

“Ҳеч бирингизнинг президент бўлишимга алоқангиз йўқ. Мени фақат Худо ва оддий одамлар олдида мажбуриятим бор. Худонинг ёрдами билан, оддий одамлар мени ҳукумат бошига олиб келди. Шунинг учун, орамизда ўтирган одамларга мажбуриятларим бор ёки йўқми деган ғоядан узоқлашинг”, — деди Қирғизистоннинг амалдаги раҳбари.

Жапаров Дубайдаги учрашувдан мақсад фақат битта — бирликка эришиш эканини айтди.

“Лидерлар тинчлигисиз тарафдорларни бирлашишга олиб келиш қийин. Шунинг учун, тарафдорларингизни бирликка чақиринг. Аслида, тарафдорларингизнинг ёрдами ҳам керак эмас. Президентлик муддатим тугагунча мени 80 фоиз одам қўллаб-қувватлаши етарли. Келинг битта қирғизистонлик бўлайлик. Кўрябсиз, дунёда аҳвол ёмон. Қирғизистон эндигина оёққа тура бошлади. Ўтган йили иқтисодиётимизда яхши ўзгаришлар бўлди. Бу йил янада яхши бўлади. Келгуси йил 5 баробар яхши бўлади. Аср лойиҳаларига айланган темир йўл, йирик ГЭСлар қурилиши бошланди. Биз шундай йирик лойиҳаларни амалга оширишимиз керак. Шунда Қирғизистоннинг келажаги ёруғ бўлади. Худо хоҳласа, кучли давлат бўламиз.

Учрашувда мендан кейин ёши катталиги учун Асқар Акаев гапирди. Шундан сўнг ҳамма сўзга чиқиб, бирдамлик, тинч бўлиш ташаббусимни қўллаб-қувватлади. Учрашув тахминан 4 соатда бўлиб ўтди, шундан сўнг ҳамма тарқалди”, — деди Садир Жапаров.

Эслатиб ўтамиз, Қирғизистоннинг амалдаги президенти Садир Жапаров Қирғизистоннинг барча президентларини бир жойга йиғиб, учрашув ўтказди. Унда Асқар Акаев, Қурманбек Бакиев, Роза Ўтунбоева, Алмазбек Атамбаев ва Сўронбай Жээнбеков иштирок этган. Жапаров собиқ президентлар ўз эътирозлари, аламларини билдиргани, шу билан бирга, хатоларини тан олиб, бир-бирини кечирганини айтганди. Атамбаев, Акаев ва Жээнбеков учрашувга ўз муносабатини билдирган.