Тошкент шаҳар, Яккасарой тумани, Шота Руставели кўчасидаги савдо мажмуаси кимошди савдосида сотилди. Маълумотлар “E-auksion” порталида эълон қилинган.
Сотилган бинода “Сазанчик” ресторани, “Океан” савдо мажмуаси ва бошқалар жойлашган.
Лот изоҳида ёзилишича, мажмуа 87 та хонадан иборат. Бундан ташқари, хоналар лойиҳасиз реконструкция қилинган, қўшимча қурилмалар мавжуд.
Ер участкасининг умумий майдони — 0,20 гектар. Бинонинг майдони — 2 685 квадрат метр. Ресторанда газ, сув, электр таъминоти ва канализация тизими мавжуд.
Аукционга қўйилган мажмуанинг бошланғич нархи 26,3 млрд сўм эди. 20 февраль куни бўлиб ўтган савдода лот 35,5 млрд сўмга сотилди. Ғолиб — 5,8 миллион сўмлик устав капиталига эга “Нигемта” компанияси.
Изоҳ (0)