Ўзбекистон ва Россия ўртасида газ саноати соҳасида ҳамкорликни ривожлантириш бўйича Энергетика вазири Жўрабек Мирзамахмудов ва “Газпром” раҳбари Алексей Миллер “Йўл харитаси”ни имзолади. Бу ҳақда “Газпром” хабар бермоқда.
.jpg)
“Томонлар ўзаро ҳамкорликнинг жорий ва истиқболдаги масалаларини кўриб чиқди. Учрашувда Алексей Миллер ва Жўрабек Мирзамахмудов газ соҳасида ҳамкорлик бўйича йўл харитасини имзолади”, — дейилади хабарда.
Аввалроқ Россия ва Қозоғистон билан ҳам газ соҳасида ҳамкорлик бўйича йўл харитаси имзоланган эди.
Ноябрь ойида Россия президенти Владимир Путин Россия, Қозоғистон ва Ўзбекистон иштирокида уч томонлама газ иттифоқи тузишни таклиф қилганди.
Россия президенти матбуот котиби Дмитрий Песковнинг тушунтиришича, Путин томонидан таклиф этилган Ўзбекистон ва Қозоғистон билан “газ соҳасида уч томонлама иттифоқ” тузиш лойиҳаси ички ва ташқи бозорлар учун газ истеъмоли ва транспортировкаси бўйича мувофиқлаштириш механизмини яратиш ва инфратузилмасини ривожлантиришни назарда тутади.
Сиёсатшунос Камолиддин Раббимовнинг фикрича, Ўзбекистон бундай иттифоққа қўшилмайди. Унинг фикрича, Ўзбекистон ўзининг энергетик олди-сотдисини Россия билан мувофиқлаштирса, ўзининг энергетик ва геосиёсий мустақиллигини теп-текис жойда қисқартирган, торайтирган ёки ёъқотган бўлади.
